Pse kompania juaj duhet të ketë sajt në internet?

Sepse të gjithë që janë të interesuar për emrin, për firmën, për shtetin, për kombin ose qeverinë tuaj; e kërkojnë sajtin në internet për të mësuar më shumë për ju, për vlerat tuaja, për produktin ose shërbimin tuaj.

Sajti është sikur zyra e veprimtarisë suaj, sikur përfaqësuesi juaj zyrtar, sikur shitorja ku shitet diçka, sikur personi i cili përgjigjet në telefon kur klientët e thërrasin kompaninë tuaj, ose sikur agjenti i marketingut. Por në krahasim me të tjerat sajti ka përpërësi shumë të madhe. Ai është i hapur natë e ditë, gjithë javën, gjithë vitin. Sajti i internetit është përfaqësuesi juaj zyrtar në rrjetin e gjërë botëror, vizitkarta juaj për miliona vizitorë, fëtyra e veprimtarisë suaj.

Në krahasim me mjetet tjera të informimit sajti ka përparësi më të madhe për komunikimin e mesazhit.

Gjithçka ndikon në mendimin që vizitori formon për ju: për shembull shablloni i gatshëm i shkarkuar nga interneti, logoja që është kopje e huaj dhe të cilën vizitori e ka parë dikund tjetër, mënyra e shkrimit të kodit gjatë përpunimit të faqes, mënyra e shkrimit të informatës që ka të bëjë me veprimtarinë tuaj (këtu nuk e kemi fjalën vetëm për rregulla drejtshkrimore ose për nivelin gjuhësor që keni), pamja që nuk i përshtatet asaj që thoni, lidhjet që nuk punojnë, përkthim i shprehjeve të huaja që nuk i përshtaten gjuhës amtare të lexuesit dhe shumë, shumë të tjera. Kjo i tregon vozitorit se ju nuk e respektoni atë. Pse të vijë te ju ai atëherë? Konkurrenti juaj është vetëm një klik më tutje.

Çka mund të keni dobi nga sajti në internet?

Askush nuk pret nga ju që të keni produktin ose shërbimin të përkryer. Por kur ai vjen në sajtin tuaj dëshiron të vërtetoj se a ka vlerë ajo për të cilën ajo apo ai paguan. Nëse ju me të vërtetë jeni në gjendje të sqaroni se kjo është e vërtetë atëherë sajti ka vlerë shumë të madhe për ju.

Quditëse është për ne që njerëzit paguajnë mijëra euro për një reklamë disa sekonda në kanale të televizionit lokal, por nuk kujdesen për angazhim të kompanisë profesionale e cila e shfaq natë e ditë produktin ose shërbimin e tyre në tërë rruzullin tokësor.

A mund të ju largoj klientët sajti juaj i uebit dhe faqet e botuara aty?

Shumica e vizitorëve nuk kthehen në faqet tuaja nëse kanë përvojë të keqe pas vizitës. Këto janë disa të dhëna të hulumtimeve të një kompanie amerikane të biznesit:

sajti juaj nuk iu bën përshtypje 89% të vizitorëve
80% të vizitorëve mendon se sajti i juaj është bërë nga perspektiva juaj, jo nga ajo e klientit
80% të vizitorëve ankohen se kompanitë vetëm dëshirojnë të marrin përmes sajtit e jo të japin diçka
vetëm gjysma e stafit janë krenar me sajtin e kompanisë për të cilën punojnë, edhe pse 80% e përdorin atë për të kryer punën e kompanisë si duhet
90% të vizitorëve pret përgjigjen në pyetjet e tyre, përmes sajtit brenda 24 orëve
gati të gjithë, 95% të vizitorëve, thonë se ajo që dëshirojnë është që përmbajtja e faqeve të gjendet lehtë, të lexohet lehtë, të kuptohet lehtë, të jetë aktuale, e plotë dhe to-the-point

Këshilla për vendosjen e informatës në internet

Faqet e uebit nuk duhet të ndërtohen vetëm nga ata me dituri të teknologjisë informative. Kompanitë ende nuk e kanë të qartë se nuk ka të bëjë asgjë me teknologji shkrimi i informatës. Zbatimi i saj është diçka tjetër. Aty natyrisht ju duhet kompani profesionale dhe jo një shok i shokut, ose një student i cili e bën atë punë për një darkë në restoran dhe nuk e shihni më kurrë.

Pamja duhet të jetë e bukur, e jo shkarravitje me objekte në faqe, por informata është mbretëreshë. Ajo duhet menduar mirë për të dërguar mesazhin si duhet. Kur vizitori hap faqen e sajtit tuaj qëllimi i tij nuk është që ju t'i bëni përshtypje atij me teknikat më të reja të fotografive lëvizëse, por që të gjej shpejtë dhe lehtë informatën që kërkon për ju, produktin apo shërbimin tuaj.

Faqja e internetit duhet të ndërtohet nga ata me dituri të njerëzve, me dituri të asaj për të cilën vizitorët i vizitojnë faqet tuaja. Pëndryshe nuk ndihmon asgjë edhe nëse keni mundësi të vendosni një lajmërim në çdo mjet të informimit se e keni një sajt të ri, por kur vizitori vie aty të zhgënjehet me gjysmën e faqeve të cilat janë "në ndërtim e sipër".