Ndryshimi i fjalëkalimit për llogaritë e-postare
Ky udhëzim për leximin e e-postës është për klientët e kompanisë Teuta, dhe vetëm për ata. Parametrizimet e treguara këtu nuk vlejnë për serverat tjerë të postës elektronike.
Kur ne i regjistrojmë llogaritë tuaja e-postare ju japim fjalëkalimin që të merrni qasje deri te serveri ynë në internet. Me panelin e kontrollit në linjë (online) ju mund të ndërroni vetë fjalëkalimin.
Është e vërtetë se nëse e humbni fjalëkalimin nuk keni më qasje deri në server. Por edhe në këto raste mund të ju ndihmojmë. E-posta e palexuar nuk humbet dhe ne e ndërrojmë fjalëkalimin për ju.
Për fjalëkalim janë të obliguara këto gjëra:
- patjetër duhet të përdoret kombinim i më së paku tetë shkronjave dhe numrave
- patjetër duhet të përdoret më së paku një germë e madhe
- patjetër duhet të përdoret më së paku një numër në kombinim me germat tjera
Këshilla kur e ndërroni fjalëkalimin
- mos e përdor si fjalëkalim emrin e një shoku ose anëtari të familjes, qenit apo maces suaj
- mos përdor fjalë me kuptim, se me programe të posaçme të gjitha fjalët nga fjalori i gjuhës shqipe në kombinim me shkronja të mëdha, të vogla dhe numra mund të prodhohen automatikisht nga programe keqbërëse.
- përdor për shembull një fjali që e mban mend, një fjalëkalim me germa të para të një shprehje tuaj personale ose të një citati, sikur ky: aQmSHëMiKsAqV63, për citatin "ai Që mban SHkallët është Më i Keq se Ai që Vjedh " në kombinim me disa numra në fillim ose në fund.
A mund të lexojmë ne mesazhin e dërguar në adresën tuaj para juve!
Po, pa asnjë problem. Ne dhe secili që ofron shërbime të internetit nga serveri i tyre mund të lexojë mesazhet tuaja. Por edhe një gjë tjetër është aq e vërtetë sa kjo për kompaninë tonë.
Filozofia jonë është e bazuar në respekt për klientin. Sikur që postierit që e shpërndan postën ashtu edhe çdo punëtori të kompanisë sonë i ndalohet rreptësisht që të hap postën elektronike të klientit ose të lexojë përmbajtjen nga faqet jo publike për të cilat kujdesemi ne. Ajo punëtore ose ai punëtor që nuk e respekton këtë përjashtohet menjëherë nga puna dhe ne bëjmë gjithçka që ajo ose ai të mos gjej punë të ndershme dikund tjetër.
Si mund të shihni se dikush tjetër e ka lexuar mesazhin para jush?
Titujt e mesazheve të lexuara hijëzohen me ngjyrë të zbehët, nëse i lexoni ato në linjë. Mesazhi i pa lexuar nuk është i hijezuar fare.
Mesazhet e pranuara me Outlook, shlyhen menjëherë nga serveri ynë dhe kopjohen në diskun tuaj lokal. Këtë metodë ju kemi propozuar menjëherë pas regjistrimit të llogarisë.