Studio Teuta | Ndihmë

Këshillë për ruajtjen e imazheve dhe dokumenteve të uebit

Tregimi i imazhit në faqe të uebit dallon nga programet tjera të kompjuterit. Për shembull kur e vendosni një imazh në Microsoft Word ai imazh bëhet pjesë e atij dokumenti. Nëse imazhi hiqet nga kompjuteri pas shtimit në Word, ai nuk shlyhet më nga dokumenti. Në faqe të uebit imazhi është vetëm lidhje me emrin dhe vendin e imazhit dhe nuk është pjesë a asaj faqe. Kjo do të thotë se kur hiqet imazhi, nuk mund të tregohet më ai në faqe ku është shtuar për tregim.

Emri i imazhit tregohet për vizitorin në shfletuesin e uebit dhe ai ose ajo mund ta shkarkojë atë në kompjuterin e tij, pa nevojë që të hap faqen në të cilin duhet të tregohet imazhi.

Për këtë arsye vlejnë rregulla të posaçme për imazhin. Disa nga ato më me rëndësi janë:

Emri i skedarëve nuk lejohet të ketë germa shqip nga të gjithë serverat e uebit. Për të penguar që të mos tregohen gabime në faqen tuaj, mos i përdorni germat shqipe Ë, ë, Ç, ç për emra të skedarëve.
Mos përdorni zbrazëti në mes fjalëve, por ndani fjalët me nënvizë, për shembull mos e ruani dokumentin me emrin fotografia e Tiranës.gif, por fotografia_e_tiranes.gif.
Krijoni një rregull. Për shembull ruani imazhet (dhe faqet) vetëm me germa të vogla. Kështu kurrë nuk harroni se si quhet dokumenti dhe vizitori e mëson shpejtë metodën tuaj të shkrimit se ai vjen aty posaçërisht për ju.

Gati të gjithë serverët e uebit e korrigjojnë gabimin duke e përdorur kodin në gjuhën HTML për vendin e zbrazët ose për gabimet tuaja me germa të cilat nuk lojohen për emra të dokumentit. Por ky kod tregohet në faqe. Për shembull për zbrazëti tregohet emri kështu fotografia%20e%20tiranes.gif.
Emri i imazhit duhet të tregojë me fjalë qartë përmbajtjen e dokumentit. Për shembull nëse e tregoni listën e prodhimeve tuaja quani dokumentin lista_e_prodhimeve.html dhe jo me germa apo fjalë pa kuptim për lexuesin.
Njerëzit me aftësi të kufizuara varen vetëm nga emri i dokumentit. Për shembull ata që nuk shohin mirë nuk kanë nevojë ta hapin dokumentin ose imazhin, por nga emri me hiperlidhje me atë dokument e kuptojnë se për çka është shkruar nga autori i saj dhe për kënd është vendosur në ueb.

Ngarkimi i imazheve për shfaqje në sajt

Udhëzimi i ngarkimit të imazheve ose dokumenteve tjera në server

Ky sistem përdoret për ngarkimin e imazheve dhe vendosjen në faqe vetëm në vendet e caktuara nga ne, me qëllim që të mos prishet pamja e faqes së krijuar. Për faqe me përmbajtje të lirë të vendit të tekstit dhe fotografive përdorim ne sistem tjetër, gjithashtu në gjuhën shqipe dhe të programuar nga kompania jonë..

Lidhu me sistemin tonë përmes së cilit e ngarkon informatën në ueb sikur zakonisht dhe kliko në meny për të shkuar deri tek faqja e ngarkimit të skedarëve. Kliko tani në pullën shfleto. Emri i kësaj pulle varet nga gjuha e sistemit tuaj drejtues. Anglisht quhet kjo pullë "Browse ..."
Tani hapet dritarja e shfletimit nga sistemi drejtues në kompjuterin tuaj.

Në këtë shembull tregohet Windows Vista shqip. Në këtë dritare keni mundësi që të shfletoni dosjet në diskun lokal, të largueshëm ose nga rrjeti i kompjuterit tuaj. Pas gjetjes klikoni me tregues (për shembull me pullën e miut) në skedarin e gjetur për ta zgjedhur atë. Në këtë shembull (imazhi më poshtë) hapet imazhi nga dosja me emrin "fotografi nga Drinasi" e cila gjendet në diskun lokal D:.
Pas klikimit emri i skedarit tregohet se është zgjedhur (në fund të kësaj dritare, majtas). Klikoni tani në pullën "Hap"
Pas klikimit ktheheni vetvetiu tek sistemi ynë i cili e ka marrë lidhjen me kompjuterin tuaj dhe pret urdhërin për ngarkim në serverin e uebit.
Klikoni tani në pullën ngarko.
Tani sistemi ynë tregon statusin e ngarkimit. Nëse e shikoni imazhin më lartë do të shihni se tregohet një gabim. Këtë e bëjmë me qëllim që të kontrollojmë se a është ngarkuar skedari me sukses. Tentimi i dytë pra e vërteton se skedari ekziston tani në server dhe kështu jemi të sigurt se mund ta përdorim. Natyrisht nëse kjo ju pengon mund ta largojmë për ju.

Përdorimi i imazhit të ngarkuar

Tani që skedari është ngarkuar mund të përdoret ai në faqen tuaj të uebit, duke e përdorur vetëm emrin e tij. Për shembull mund të vendosni një fotografi në faqe në këtë mënyrë, sikur tek sajti i fshatit Drinas:

Pas përfundimit imazhi tregohet në faqe. Nëse ndodh që imazhi të mos tregohet, sikur në shembullin më poshtë (me x të kuq), sigurisht keni gabuar në emër të imazhit. Merrni qasjen prapë me sistemin tonë dhe klikoni në hiperlidhjen për ndryshim.

Përsëritni të njëjtin veprim sikur më lartë

Nëse nuk keni shkruar asgjë në fushën me hiperlidhje nuk tregohet gabim në faqe. Vetëm imazhet të cilat kanë hiperlidhje mund të klikohen nga përdoruesi. Të tjerat tregohen ashtu sikur që janë pa mundësi të klikimit.

Për imazhet nga galeria me rritje të pamjes përdoret imazhi i vogël tek emri i imazhit dhe imazhi i madh tek hiperlidhja. Për të tjerat kujdesemi ne me skript.

Për të kontrolluar se a është ngarkuar imazhi hapni listën me imazhe. Nëse as këtu nuk tregohet imazhi si duhet atëherë imazhi është i gabuar. Hiqni atë nga lista dhe ngarkoni një imazh tjetër i cili punon në vend të tij.